لا تقطفي. .بقلم الشاعر. .صبحي ياسين

على فين يابلد
ببكى والدموع مره
على بلد كانت حره
وفى يوم وليله
جالها طوفان
ولا عرفين للغدر قرار
من بره ولا من جوه
عينى عليكى يا بهيه
ابنك محتاج شربت ميه
وإنتى بنيلك الفياض
عامله نفسك معميه
★★★★★
الظلم فيكى ما له حد
وال طغى كتير عن جد
ياشعب مطحون طول عمره
مستنى لحظة إشراقه
كل ما تنفرج غمه
تطلع مكانها متين غمه
وده كلام بالذمه
★★★★★
دا حتى زادى وزوادى
مستكتراه إنتى عليه
مكسوف أبص لأولادى
عينهم تيجى  فى عنيه
كتير حكيت عن اجدادى
وتاريخى وأصلى وأمجادى
اليوم ببحث عن حريه
★★★★★
حرام يا وطن الأمجاد
عندك كتير خير فياض
وكنوز كتير شرق وغرب
وطبيعه وجو فاق الحد
ونيل عظيم بخيره فياض
يقولوا عنك ما يقولوا
فقيره ودينك لازم ينسد
أجيال بتسد ديونك
ودينك ابدا ما بيتحد
★★★★★★
يامصر أنا أولى بخيرك
يا غزله بدمى توبك
سبينى انا ماليش غيرك
بلاش تعضى كتير فيه
لو إنسعرت
إنتى اول من راح ينعض
إوعى تلومينى فى يوم بجد
#سناءأبوطبل