وليه لأ ؟
ندارى الدمعة بالإيد
وصوت الفرحة ه يزيد
وكام شمعة لأحبابنا
بنور القلب هتقيد.
وليه لأ
يا كل الخلق والدنيا
أقولها تانى وأعيد
وهغزل م الفرح عيد.
وليه لأ منحلمشي
و حق الحلم مشروع
وليه لأ منحلمش
ولا الحلم ممنوع.
وليه لأ مندعيش ربنا
فى كل ركعة بخشوع
ده قادر ربنا بعطفه
يخلى الود ينبوع.
طريق الحق ممدود.
وعمر الشر محدود.
وعود يا تاريخ عود
وليه لأ؟
نقول للعزول ارحل
ولا تقرب مننا تانى
نكسر بينا جدار
العزلة والفرقة
نرجع كلنا وواحد
بلاد العرب أوطاني
وليه لأ ؟
منفرحشي فى عز الدنيا
مبتلطش كتير فينا
فى عز الخيبة والنيبة
وصوت الحزن فى سينا
وليه لأ؟
متيجوا نزرع الزرعة
ونجنيها خضار وعمار
ونضرب بفاس واحد
عدو قاسي غدار.
ونبعت لطيور الضلمة
من البحر ضى فنار.
نقول للظلم ميت لأه
و نحمي كلنا الدار
نقول للظلم ميت لأااا
ونتعلم دروس الحب
من تانى
وأول درس فى الرقة.
نزق بعزم القوة والحيل
جبال الغلب
فتتاخر عننا حبة
ويرجع فرحنا للقلب
وليه لأ؟
نقول الكلمة مش عكس
وناخد للضمير تاكس
ونحافظ على الإحساس
دى أجمل كلمة يا ناس
وليه لأ
ده صوت الحق لو دق
هتتفرق جنود الشر
وليه لأ
ده صوت القلب لو رق
فروع الورد تخضر
وليه لأ
لو الحق للخداع شق
مفيش حد هينضر.
وليه لأ ؟
لو نحلم حلمنا من تانى
نشيل كلمة ما هية ظروف
ظروف
نخلي الشمس فى يوم تشرق
في أرض الخوف.
ونعلن للكل بصراحة
نقاط الضعف ع المكشوف.
صحيح الدنيا متعاشة
واحنا فيها تملي ضيوف.
لكن برده جذور الخير
لازم تضرب وأشجار الأمل
تطرح غيطان معروف
بقلمي
سلوى علي محمد