لا تقطفي. .بقلم الشاعر. .صبحي ياسين

و بتسألى ع المشكلة
بتقولى إيه المسألة
قولى لى انتى ازاى اهون
و تكون حياتى مبهدلة
و ليه بترضى لى العذاب
و بتربطينى بسلسلة
          *****
بقى هو ده رد الحساب
تهدينى أدنى منزلة
و بتدى للجار ، و الغريب
بالخير إليه متحولة
مع إنى ف هواكى اترميت
بتمنى اشوفك فى العلا
و كتير بقول الحلم جاى
و الفرحة فيكى مطولة
           *****
أنا شوفت ف سماكى النعيم
و كان ترابك مكحلة
على جرحى عديت ، و اشتكيت
و انتى يا غالية مكملة
          *****
لكن خلاص القلب مات
و حياتى صبحت بالبلا
علشان كده كان الرحيل
هو نهاية المرحلة
أنا ماشى و مفارق خلاص
سايبك تعيشى المهزلة
(احمدسيداحمد)