لا تقطفي. .بقلم الشاعر. .صبحي ياسين

لسه خايفه؟
        لأ أكيد
كنت خايفه
يجى بكره من جديد
يجى يزيد من جروح
المجروحين
جاى وحامل حلم كبير
وفرحه لقلوب الجميع
لسه خايفه؟
لأ أكيد
بكره فى إيد ربى معين
مش فى إيد أبدا عبيد
شافوا الدموع
قالوا خلاص
إنهزمت وطموحها مات
عايشه يوم ولا يومين
ندوسها بمكر  اللئيم
نقتل فيها  الأمال
كما لو كانوا طوفان
داسوا دوسه
فوقتنى
رجعتنى
صوبت قدامى
الطريق
هقول كلمه للعبيد ! !
الضربه ما تقتل غير عليل
لسه خايفه؟
لأ اكيد
الخوف مات
من سكات
ما عاد يهمنى العبيد
انا قلبى للرب ذليل
وقلبى للعبد
عليه قفل  حديد
ضحكه صفرا من بعيد
لكن قرب مستحيل
المؤمن لا يلدغ
من جحر ابدا مرتين
أمس كان
فعل ماضى
إندفن أصبح رفات
لكن بكره
دا وليد
فى المخاض
مستقبله
فى إيد رب العباد
بالهدى ننول الرضى
ودعوه لربا السما
تبدل القدر تبديل
بكره أجمل
بقلوب الطيبين
#سناءأبوطبل