قصيده....... بعنوان.... بلدى
بلدى دى شجره طراحه
جيل ورا جيل ورا جيل
لها رمش نظرته دباحه
جواها صافى وجميل
أنا مهما أوصف فى جمالها
مقدرش أحكى أوصافها
يلزمها عمر طويل
عشقها ف بلاد مشتاقه
عارفين بلدنا الشواقه
وأله ماليها مثيل
جمالها دا جمال ربانى
النظره ليها سحرانى
فى هواها بعزف ألحانى
والقلب يرقص ويميل
عاشق ياناس كل مافيها
عاشق بيوتها وضواحيها
والخضره ويا النيل
غرست أحلامى فى نيلها
وأما بفوتها بغنيلها
وان غبت عنها بحنلها
فى هواها بكتب مواويل
بلدى الاصيله ماليش غيرها
متربى عايش من خيرها
ومهما أوصف جمايلها
أنا وصفى ليها برده قليل
........................
كلمات الشاعر..... محمد ثروت عبد الحفيظ