انا الفقير يا بيه
بقلمي/الشاعر حسن نادي
خلي البساط احمدي
رافع شموخك ليه
مايكنش ابوك اجنبي
وإلا اتولدت بيه
حاجز جناح ف السما
وإلا القمر عاشقك
عايش حياتك هنا
حتي الغرور راكبك
توبي مهيش عجباك
اصل العرق فيها
مكتوب على الشباك
ملناش مكان فيها
تذكرتي مكتوبه
بإسم الوجع ياحزين
لو قلت يوم توبه
كداب وم الشياطين
اسمي انا كتبوه
جنب خانات الفقر
اما انت لو تتوه
الحروف تقلب لصقر
شكلي مهوش عاجبك
الطينه وكلاني
قصيت قوام حاجبك
تشبه لنسواني
اسمع كلامي يابيه
خلي البساط واحد
ذيادة عني ف ايه
ما توحد الواحد