*****{ #أنا_المواطن_ديك 🐓 }*****
.
.
آآآآآآآآه أنا كنت ديك 🐓
وف كل عشة تلاقينى حاضر
وكان صوتى دايماً بيناديك
علشان تصلى الفجر حاضر
أنا كان ليَّ ريش
وكنت دايما بتنفش
ولما راح الريش مفيش
قالوا عليَّ 🐓 عفش
وآه بقى لو كنت ابيضّ
كان يبقى حالى غير كدة
كانوا كتبوا بالبونت العريض
🐓منه الفراخ متهدده
م تضحوا بيا
وسيبكوا من دبح الخروف
يا جماعة يلا إدبحونى
وقولوا غلطة ف الحروف
حتى الآذان ف الفجر بح
مابقتش ءأذن م الكسوف
وبقول لنفسى ( بص شوف)
مابقتش حتى 🐓 برابر
وأديك بقى ع الهم صابر
كنت زمان إبن الأكابر
ودلوقت مضروب بالكفوف
مابقتش شايف أى حاجة
ولا حتى نافع جوز دجاجة
قضيت حياتى ف السذاجة
وطردونى من بيتى الضيوف
العُرف إن يبقى لي عشة
مش اصحى بهشة وانام بهشة
ولا يضربونى بالمقشة
ويقطعونى بالسيوف
مع إن بيَّ بيندهوكوا
ويقولوا يلعن 🐓 أبوكوا
وفى النية هُما بيشتموكوا
لكن قلوبهم فيها خوف
أنا المواطن واسمى 🐓
بصوت جهورى بيناديك
عايز أعيش زيك وبيك
مش أبقى مطرود ف الكهوف
.
#أنا_كنت_ديك
.
.
بالله عليكم بلاش حد يسرقها أخوكوا تعب فيها آوى
اللى تعجبه يعمل مشاركة
.
.
مدحت يوسف
%
#إبن_البلد