"وحشني يارب طعم رضاك"
بقلمي
احمد الخضري
انا في السجده بترجاك
ومين غيرك يارب سواك
هيغفر لي ويرحمني
و نادي ياعبدي انا وياك
بقالي سنين وبتعذب
من ذنب يارب كان في عُصاك
وبتحسر وبتندب
بترك صلاه كانت في طُعاك
وطعم الدنيا مالوش معني
وحشني يارب طعم رضاك
ولو هيا تدلعنا
اكيد مهموم بطعم عصاك
انا عارف ومتاكد
انا واثق ومش شكاك
عمر النار ما تلسعني
ما دمت يارب انا وياك
انا عاصي وكلي زنوب
اغثني يارب انا في حماك
انا عاصي وعاوز اتوب
انا في السجده بترجاك
وبالغفران انا طمعان
انا طمعان كمان في هداك
وباب الجنه... الريان
متحرمنيش يارب رضاك
ولما يارب تغفر لي
ساعتها احب الموت للقاك
وتيجي ملايكه تبشرني
وعالقبر تاخدني هناك
وبالبشري تفرحني
دا رب الكون.... بيستناك
