انا فنان
في كل مجال
وصايغ حرفي بالفترة
نغم وألحان
ودا طبعا اكيد فاكره
صدر في بيان
انا فنان
ومش قاصر على الألحان
في فني كمان
كتير احزان
على حالي
وع الوعد اللي كان غالي
وكأنه ما كان
وبكتب فن على صوره
في ناس جدعان
دساتهم ناس مغروره
لكن ما سلموا الشجان
وحكموا ملعب الكوره
وحلفوا يحسموا اللجوال
نقول بلدي. نقول ولدي
نقول كل البلاد ارضي
ما فيش ليبيا مافيش اسوان
انا عربي انا مسلم
انا مصري
وحر بعيش اوان عصري
وف الحق بكون حصري
ومش من طبعي أبقى جبان
انا فنان وعندي احساس
وحاسس ذي ذي الناس
وفِي الدوسه بكون منداس
ودا بختي عشان فنان
عشان اوصف.
لابد تهزني الاوصاف
وبرضو بخاف. على ارضي
وأصون عرضي
واحمي الجار
وافوت في النار
واسمي للعدو عنوان
انا عربي
وقلبي من حجر اسوان
بينذف دم على سوريا
حبيبتي زمان
وبرضو اختها التانيه
بنتلاقى وبالاحضان
عمار يا سودان
وبرضو فيه بلاد تانيه
فداها وتحيا بالإسلام
عراق لبنان
بلاد. الشام
حماك الله يافلسطين
وخفف عنك الاحزان
و جزئرنا
ومغربنا. وأوردنا
وامارتنا. وبحرينا
دي وطني كمان
ما فيش غير بس يفصلنا
يا اما جبان
يا اما ان كان
مافيه بينا حاقد خوان
لكن مافيش مابينا. ملام
ولو يوم صار
ودار ما بينا اي كلام
بيخلص واحنا جوه الدار
بنتصافي دا هما الأهل
والخلان
ويحزن قلبي لو حسّيت
بعربي اتهان
ولو شميت.
وأخويه جنب مني جعان
منا حساس وبحساسي
انا فنان
كريم الأصل
ولاتفرق في يوم عندي
افرق بين قطر وعمان
منا اصلي بقول
فنان
وبرسم صوره من شكلي
وببني البيت
برص حروفي بمشاكلي
مافيش كلمه في قلبي دريت
ألاقي قصيدتي مسروده
لآخر بيت
كأن قصيدتي مقصوده
وأقول يمكن هتضحكلي
ألاقي نفسي ما بخدشي
وانا ما بخلت ياما عطيت
عطيت ياما
وبالاكوام
وفي الاخر تقول
ما وفيت
ولا حروفي لها عنوان
وبتقولي انا اتخضيت
من الأفعال
انا بقولك انا حجيت
في طوله البال
وَيَاما جنيت
كتير أمثال
ولو كنت خلي البال
واه يا سلام
لكان فكرك كسر خاطرك
واي حرف على سطرك
مابين شطري
تحس الحرف ولا فاكرك
لكن عندي ماليها خيال
ولا خاني ذكي بجواريه
ولا رموزي حلولها غلام
انا فنان
واسمي ع الغصون بلبل
ابن طلعت بني عتمان
بلبل طلعت عثمان
