لا تقطفي. .بقلم الشاعر. .صبحي ياسين

كنت معاه لما مات ؟
كان عطشان ؟
جعان ؟
**************
طيب الرصاصه وجعته 
قال آآآه
ولا مات من سكات ؟
****************
طمني يابني علي ابني
ده عاش طول عمره
راجل جدع
تتمناه كل البنات
****************
واكيد كمان لما مات
مات بردو وهو جدع
كاتم جواه الآهات
**************
انت شيلته لما مات ؟
انا شايفه دمه علي هدومك
ماهو كان زميلك
وياما كان بينكم ذكريات
******************
طيب انت شفته لما مات ؟
كانت ضحكته منوره
ومبشره بالعيشه الحلوه هناك ؟
********************
ولا كان من الألم
ملامح وشه بقت عدم
وشكله عادي زي الاموات ؟
******************
اوعى يابني تقولي مات
انا ابني عايش
وبينعم في أعلى الجنات
******************
أنا بس اصلي بستوحشه
مانا مش حشوفه تاني
لا ححضنه ولا حلمسه
***************
حبوس صورته
وأبكي من سكات
**************
علي فكره دموعي
دي مش بكا
*************
دي غصب عني
اصلي متلخبطه
**************
مش عارفه احزن
ولا افرح
ولا ابكي من سكات
***************
حيفضل دولابه
زي ماهو
**********
عمره ماحينقص قميص
وبدلته اللي كان
لابسها وهو عريس
******************
اوعى تقول لولاده
ابوكم مات
انا حقول بابا سافر
ومستنينا هناك
************
حنروح له كلنا
ماهو ليه لأهله شفاعات
****************
اوعي يابني
اسمع منك
ابنك مات
***********
ابني بطل
شهيد وطن
************
ابني تاريخ
حيتحكي عنه حكايات
****************
كلمات /سحر متولي