العيون السود
ياأم العيون السود
والسحر في النني
والرمش سارح جارح
بالكحل متحني
والخد لو تفاح
والغمزة رباني
وسنان لون اللولي
والضحكة عجباني
والشعر إسود سايح
من نسمة بيهفهف
كأنه طير م الفرحة
بجناحه بيرفرف
كل ماإبص في عينها
روحي تروح مني
أرجع وأغمض عيني
لعنيها تسحرني
دا حبيبي ياقلبي جماله
ذايد على حده
والقلب لو يعشق
يعشق على قده
ليه بس عشقت ياقلبي
عيون ست الحلوين
كده برضو تحبه ياقلبي
وتشمت اللايمين
هنعيش أنا وانت ياقلبي
في عذاب وشوق وحنين
تداويني ولا أداويك
طب مين هيداوي في مين
بقلم طارق السيد
