لا تقطفي. .بقلم الشاعر. .صبحي ياسين

جوايا طفلة حبوبه
شقية زي عصفوره
وحبة تبقي مجنونه
بتتنطط وبتغني
وترقص رقصة محبوبه
وتبكي لما تكسرها
ملامة وكلمة مقصوده
وتفرح لما يهادوها
بلعبة أو بدبدوبه
وساعة تبقي ضحكايه
وكل كلامها بلماضه
تحب الدنيا وتساعها
ف عشة أو في مقصوره
ولؤم الناس بيتعبها
وكتر الشكوى تضنيها
وسايبة علي الله فرحتها
ودمعتها مع دعاها
وناسها هما شقوتها
وهما برضه ضحكتها
وبتسامح وبتقدم
أيادى الخير لأعداءها
وتنسي كل أحقادهم
ماهي حلوة من جوه
وتنسي أو بتتناسي
ماقلنا دي طفلة مجنونه
صغنونة وحبوبه
شقية زي عصفوره
((بقلمي/صفاء مصطفي الخواجة ))