(( من وحي الصورة ))
قاللي كتير. يتمنوكِ
وقلبي ده منهم.
كلك رقة وإحساس عالي
وجدعة وحلوة
بس ظروفي كتير منعاني
وسكتي صعبة
خايف أظلم يوم إحساسك
ولا أوفيكِ الحق ف حبك
" قلت "
بأحبك. أملي. منايا
إني بحُبي ده أفضل جنبك
واثقة ف قلبك
عمره مايظلم أو يتجني
نفسي ف قلبك. أفضل نايمة
حُضنه ياخدني بعيد عن حزني
آه ويسعدني ويسعد نبضي
أنت حبيبي وفرحة عمري
واللي سمعته بخوف عن قهري
أكتر منه كتير متخبي
بيك وف ضلك روحي دي هايمة
أنا محتاجة لعطفك. ودك
خليك جنبي
متسبنيش للفكرة تاخدني وتتوهني
إنك لحظة ح تبعد عني أو تتخلي
أيوا. ب أ ح ب ك. رد عليا
موتي ح يبقي لو أبعد عنك
ترضي حبيبي ف يوم تفقدني
وإلا بإيدك تدفن قلبي ؟
وتسيب روحي عليك بتنادي
بيني وبينك شوقي وقلبك
رد عليهم. قولي بأحبك
((بقلمي/صفاء مصطفي الخواجة ))
