★هى وهو★
هو شايف فيها
الفرحه
بنت حلوه
ولبسه الطرحه
نظره واحده
من عنيها
هى الدنيا
بكل ما فيها
يا منجى ربى يحميها
هى شايفه فيه رجال
حمى لها ودرع أمان
كلمه حلوه
نظره بحنان
هو شاف دا لعب عيال
وتفاهات
مالها مكان
أصل قال الدنيا صعبه
وزحمه وضجه بإستمرار
هى الفكر ياناس غالبها
إتحيرت فى فهم حبيبها
هو هملها ولا كرهها
ولا شغله أهم منها
هو خايف من الزمان
هو آه عنده حق
لكن هى ليها حق
هى ملت منه خلاص
هو عاند وكبر الراس
الدنيا قفلت معاهم
هى حلمت حلم كبير
لكن الواقع كسر الموازين
هو وهى
مختلفين
بعد ما كانوا ياناس عاشقين
إتفرقوا
بقوا عدوين
أصل العند
ملوش كبير
ضاعت منك حب السنين
فاكر كدا انك رجال
لا ياغالى
دا عدم تنوير
الرجوله مش قوه
الرجوله حنان وامان
#سناءأبوطبل
