🌲كفاية حداد 🌲
وكيف أبنى لحبك صرح
وأنا قلبى ضعيف خايف
وكيف بإيدى أداوى الجرح
وأنا جسمى م الهموم تالف
يا صبيه لسه فى العشرين
يا رسمه عشقى على كفك
خطابك منين و منين
وإنتى لسه على عهدك
يا أم الجبين ضاوى
ولون البدر على خدك
أنا كلى غرام وحنين
بقالى سنين
تايه بدور بر
لكن السكه مش شايف
فا كيف أبنى لحبك صرح
وأنا صوتى زى الجرح
صمته ع الهموم عاكف
وبأرسلك وعودى حجيج
يلبوا نداك
وبرسم من الوجع حلمى
وبستناك
وأطوف بعيونك السمرة
وأحج اليك
الاقى عوازلى و عوازلك
وشيخ عن دنيتى عازلك
أفوق من حلمى على حظك
وكاس ع الشفاه طايف
ياسمرة ولونك لونى
يا راسمه السحر ف عيونى
يا فاتنة بعيونك
شياب وشباب
وقس من الكتاب غارف
يا لابسه من الوجع أسمر
كفايه حداد على حبى
وقوليلى مهر عشقك كام
وأنا أدفع من الدماء وأكتر
كفايه حداد على حبى
وقوليلى مهر عشقك كام؟؟
🌹🌹🌹🌹🌹🌹🌹🌹
#عامر_السويفى
22/8/2017