قلبي مقبوض أصله خايف
لسه مجروح م السنين
وإللي حبه وله ينادي
لسه مش داري الحنين
لسه مش عارف بخوفي
أو بلهفي والظروف
شوقه ليا. شىء ضنين
هو فاكر إني عايزة من كلامه
سمعي يشبع. مش فاهمني
مش عارفني
وبعذابي قلبي شارد
نفسي إنه يستكين
عايزة أشرح له. و أقوله
هو ليا. يبقي. مين؟
و بحيائي أرجع. أمنع
نفسي. وأأقوله آمين.
خايفة بكره. يكون مخبي
ليا دمعه. أو. أنين!
مش بإيدي. إني أمنع.
قلبي. عنه
أو أداري. نبضة. زايدة.
طايرة عنده بالمودة والعبير
هو قاسي..وبرضه حاني.
تايهة وياه. ف السعير!
كان لقلبه. حب سابق
فاته عايش. شوق وحيد
عايزة أبعد عنه. يمكن.
فارضة نفسي عليه أكيد
بس قلبي. شاري حبه.
ناوي بالسعد. يهاديه.
عارفة كل ظروفه برضه
أصلي مش طالبة كتير!
راضية منه. بالقليل!!
بس أحس بأنه. شاري
حبي. ولقلبي. يميل.
نفسي أطمن.و أكون له
حب دايم..للمليك.
أصله حارس قلبي هو
عندي شاطر. و الأمير.
((بقلمي/صفاء الخواجة))
