في هواه أنا تايهة ولا بيدي
عديت لبحر الشوق
والقلب قال. عدي
صاينة هوي قلبه
ف النبض والنني
يا مفرقين الصبر
خلوا نصيب ليا
ده بُعاده جمر ونار
وأنا صبري منه. يااااه
كله علي قدي
يا مفرقين الصبر
قولوله يرحمني
القلب نبضه تاه
م.الغيرة مارحمني
إمتي ح يشعر بي
وبخوفي ويا عذاب
إمتي يحس الآه
جوايا تدبحني
مش عايزة منه كتير
عايزاه يطمني
شارياه وراضية اللوم
ولإمتي راح أخبي ؟
دمعة عيوني وآه
قاسية علي نفسي
يا مفرقين الصبر
خايفة أكون لعبة
يهواها يوم ويومين
بعديها يكسرني!
((بقلمي/صفاء مصطفي الخواجة ))
