دنيا حنضل
يادنيا غابة
فيكي ديابة
وفيك غلابه
وفيك المغرم بيكي صبابه
يادنيا حنضل طعمك مر
ماشوفتش منك حاجه تسر
كأنك بحر وموجو ساحبني
مد وجذر وضيق مصاحبني
ليه معانداني
ليه على طول كده شده وداني
كل مااحاول أطير بجناحي
وكل مااحاول أداوي جراحي
يعز عليكي تملي يادنيا
لو يوم واحد أقيم أفراحي
إشمعنى أنا
ليه دايما أنا
عملت أنا إيه
تجازيني عليه
كفايه يادنيا
أنا ضهري إنحنى
إديني فرصة
خليني أرسى
فى يوم على بر
ولو هتسدى عليا طريقي
سيبيلي ممر
بقلم طارق السيد
