قصيده بعنوان...... عايز أضحك
عايز أضحك..... بس خايف
من جراحى..... أبكى تانى
شيئ غريب..... دايما ياخدنى
وأنسى نفسى......وفين مكانى
هى ليه ...... الدنيا آسيه
هى ليه ....... صعبه الأمانى
ليه تملى........ عايز أهرب
من وجودى..... ومن حياتى
ليه يادنيا....... تملى ب أرفض
أى شيئ........ من ذكراياتى
وأما قلت....... فى يوم ه كمل
خدت إيه...... أنا من سُكاتى
غير آلالام......عماله تجرح
ف اللى باقى........من حياتى
جوه مني....... شيئ بيصرخ
من سنين......عمرى وزمانى
نفسى أعيش..... بس اللى باقى
من حياتى....... عمر فانى
مستحيل أنا...... يوم ه كمل
وسط ناس......قتلت حنانى
شوهت........ جوايا فرحه
بدلت ....... كل المعانى
ليه تملى...... ب أحس إنى
كنت عايش...... وسط غابه
ناس ب تجرح..... ناس ب تظلم
زيها زى ...... الديابه
ناس تملى ..... يجيبوا سيرتك
ف اللى يألم......من حياتك
نفسوهم........ يزيلوا إسمك
يعشقوا........ دايما سُكاتك
رغم إنك......كنت باقى
ع الوداد...... والمحبه
رغم جرحك......رغم ألمك
كنت شارى...... للموده
واللى يوم...... إديت له سرك
واللى كان...... أمره يهمك
كله داس...... عليك وعدى
مهما تصرخ.......مهما تبكى
اللى عدى.....راح وعدى
نسيوا عيشك.....نسيوا ملحك
كل يوم ..... يتمنوا جرحك
وأنت برضه....... لسه باقى
ع الحنان........ والموده
كلمات الشاعر محمد ثروت عبدالحفيظ