لا تقطفي. .بقلم الشاعر. .صبحي ياسين

إضحك ياسمسم
الناس بتقوللي ياسمسم
علشان أمور ومسمسم
ع الجرح أتحط يطيب
بلسم مفعوله عجيب
وكل الناس تضحكلي
وتوصف في جمال شكلي
أسمر ورموشي كحيلة
ووداني وشنابي طويلة
ويقولوا أنا واد حبوب
أجمل من 100 أرنوب
يشهقوا ويقولوا عليا
الناس المعجبانية
لما يمصمصوا شفايفهم
ياطعامتك ع الملوخية
والأهل وكل العيلة
بيقولوا جاك ستين نيلة
بيدلعوني عشان
محلو قوي وفتان
ودمي خفيف وبيلطش
وأقول وكإني ماقولتش
من يومي لساني فصيح
وبعقلي الممسوح ميح
أتغدر لما أتمشى
عايو جاروفين ومقشة
يكنسوا مطرح ماانا بمشي
علشان بمشي أنا على رمشي
لما بروح لحبيبتي
تتنرفز وتقولي إمشي
أضحك قوي من طيبتي
وأمشي أجر في خيبتي
وخيبتي أنا ملهاش زي
أنامشهور بيها في الحي
في ختامي يامستمعين
هل بت عرفتوا أنا مين
ولو ماعرفتوا أجاوبكم
أنا سمسم زقت الطين
لولا قتل النفس خطيئة
أنا كنت ياناس في دقيقة
أروح أسلق نفسي في حلة
أو أولع تحتي حريقة
لأ كلا وألفين كلا
الطينة مش ناقصة البلة
ياترى عجبتكو حكايتي
ولا أنا فاضي وبتسلى
بقلم طارق السيد