لا تقطفي. .بقلم الشاعر. .صبحي ياسين

{ متلوميش عليا تاني }
♡♡♡♡♡♡♡♡♡♡♡
~~~~~~~~~~~~
متلوميش !!!!!! عليا تاني
وتقولي ليه فى حبك أناني
وهان عليك ودي و حناني
أنا كنت ملكك وبين إيديكي

متلومنيش على حب غيرك
ولا تنسي إني كنت ليكي
وقلبي نبضه كان أسيرك
وعيوني عاشقة سمار عنيكي

فين خبيتي رسايل الهوي
وليه ما تردي على الأشواق
وشوفي إزاي كده قلبي انكوى
و حبر دموعي على الأوراق
و الأشواق ملهوفة عليكي

رحلتى ليه قبل المعاد
وقتلتي قلبي ويا روحي
وغلبت أدور في البلاد
على قلب يداوي كل جروحي
وانسي إني كنت شاريكي

ما تعاتبنيش على بعد مني
مش بإيدي و غصب عني
إني أكون في حضن تاني
وأديله قلبي ويعيش في نني
اللي كان في يوم مكانك
و من حنانه كتير ساقيكي
،،،،،،،،،،،،،،،،،،،،،،،،،،،،،،،،،،،،،،،،،،
ومتلوميش عليا تاني ،،،،،،،،
~~~~~~~~~~~~~~
شعر ///
محمد عباس أبو عمر
5/9/2017