لا تقطفي. .بقلم الشاعر. .صبحي ياسين

الحكمة.....
،،،،،،،،،،،،،،،،،،
يا سلام يا ولاد أمّا الحكمة
حاجة جميلة عظيمة الشان

لمّا المولى يريد لك خير
ومنّة تجيلك م المنّان
وساعتها هتبقى مين زيّك
هتعيش ولا أحسن إنسان
بتفكّر دايما بتروّى
ويكون لك فى الخلق كيان
تتلاشى مشاكل أعدائك
ينقلبو بحكمة لِخِلّان
لو زوجتك م الدّرجة العاشرة
مُستمتع بيها ونشوان
لو رزقك ضيّق محدود
لا قاعد تشكى ولا ضجران
متصالح مع كل الكون
مش متوتر ولا قلقان
وكأن الكون بقى بيحبّك
عايش متهنّى وفرحان
والحكمة تلاقيها فى السُّنّة
تلاقيها فى ثنايا القرآن
تلاقيها فى حبّك لإلـٰهك
تلاقيها فى تقوى وإيمان
إرزقنا يا حكيم بالحكمة
واسعدنا بخيرها يا رحمـن
جمعة عبدالجواد
٢٠١٧/٩/١٨