حتعدي ..
طول ما فيه أمل
راح اعيش عليه
فاضلي يوم
فاضل سنة
يمكن سنين
ويمكن مايعدي عليا يوم
لكن اللي فاضل
شيئ أكيد مقسوم
والمؤكد إنه يوم حيزول
علشان كده راح أبتسم
وحمني نفسي بالأماني وأقولها
حتعدي
وحيجي يوم
ألقى الهموم اتكومت
صبحت رماد
ألقى الحياة اتحولت
صبحت حقيقية مش خيال
واللي احنا فيه ده كان سراب
وحبوصلك ياجرح عمري بانبساط
وراح اعترف إن الجروح
هيا أصل الانبساط
وان الألم هو أصل الإرتياح
دا حتى كل يااااه بتيجي قبله آاااه
وان الحياة من غير ألم
مفيهاش أمل
وإن السعادة ف الإحتياج
وإن كل حد كان معاه
كان ينقصه دايما حاجات
وان الأماني هيا سر الإشتياق
وان الأمل هو الحياة
علشان كده
في ناس بتخلص م الحياة
عشان معندهاش أمل
هو الأمل طوق النجاه
لو ف يوم اتكومت كل الحاجات
قصاد عينيك حتعيشها ليه
أهي هيا ليه دي سر الحياة
حتعدي .. خلي الأمل ف الله
شريف بدوي 