حب البت جننى
ورصيدى خلص منى
وأكلم حياتى منين
.
ولا عاد عندنا حيلة
والليالى بتعدى طويلة
وطول النهار فى الطين
.
اضرب بفاسى ومنجلى
واقول همومى هتنجلى
الاقينى من المساكين
.
وقلت الحلم باقى
وبكرة تدور السواقى
وازرع الياسمين
.
الهم جار على حلمى
ونسانى الزراعة وعلمى
وسالت دموع العين
.
والهموم بتجرى ورايا
وخلصت اللى معايا
واللى فاضل لى أنين
.
وإن سرحت الغيط
الاقى فرشتى شبيط
وغدايا من الجلاوين
.
وهى عيشة وخلاص
وماشى وسط الناس
اضحك وقلبى حزين
.
حزين على حظى
وبار قطنى ورزى
ونشفت البساتين
.
وهناك على الترعة
توتة كانت طالعة
جار عليها البين
.
وصبحت زى عجوزة
ولا عاد لها عوزة
وباقى منها فرعين
.
فرع يهزه الريح
وفرع بيبكى جريح
وبيلطم على الشطين
.
حتى الطيور مهاجرة
والبومة بقت فاجرة
وسكنت دور العاشقين
.
وطار العقل من راسى
ونسيت قلمى وكراسى
والقافية وكتابة الدواوين
.
بقلمى
ابوندى عبدالجواد
