ليه بتسيبني أستني سؤالك
متسبنيش أستجدي حنانك
أو أستنا لبعض فتاتك
ده أنا طول عمري عزيزة ف أهلي
ليه تخليني ف جوه حياتك
أبقي كمالة عدد الناقص ؟
غير إحباطي لود أمانك!
متسبنيش أستجدي حنانك
وأشوف غيري بحلو كلامك
إللي أتمني إن أسمعه منك
عايشة سعادة مهياش ليها
وأنا بأتعذب جوه آهاتي
مانع حتي ألوم أحوالك
وإلا أراجع فيك ضغوطاتك
قلبي خلاص من عدلك يآيس
والأفراح مبقتش عشانه
أيوا ح يدفن نبضه عشانك
((بقلمي/صفاء مصطفي الخواجة ))
