لا تقطفي. .بقلم الشاعر. .صبحي ياسين

جواب لأمى
وصحيت القلم تانى
وكان نايم فى عذ النوم
وقولتله قوم وقوم اصحى
عشان اكتب جواب لأمى
عاتبنى وجاب عليه اللوم
وجبت الورقه قدامى
كتبت تحيه وسلامى
لأمى وكل احلامى
وقلمى ساعتها رد وقال
سيبك منى
ماتتقلش على سنى
لينشق الورق منى
وفجأه سمعت صوت
هاتف بينده لى
وقالى ياصاحبى اصحى
وفوق وبص لفوق
فتحت عنيه وأنا خايف
لمحت الصوره قدامى
وف عنيها كلام بيقول
أنا عايشه
ومش حايشه الحنان عنك
وعايذه أسأل سؤال واحد
بأقوله وأقوله من تانى
صحيح أنك كتبت جواب
لكنك ناسى عنوانى
ساعتها الكلمه فاتتنى
ورعشه ايدى هزتنى
وقمت بسرعه وبلهفه
اخدت الصوره على سدرى
ودمعه عينى بتسقط على
صدرى
وشفت عنيها بتقولى
ماتزعلش ماتحزنش
وخف شويه من قلمك
وهات قلمك وقوم اكتب
جواب لأمك لست الكل
وجبت الظرف قدامى وعنونته
وكارت معايده زوقته بورد وفل
وعلقته مع الصوره
وكانت صورتى بتحزن ولما
صحيت لقيت الفجر بيأزن
ساعتها قمت وأتوضيت
بسرعه وبعد ما صليت
قريت الفاتحه على روحها
قريت الفاتحه على روحها

كلمات الشاعر
السيد احمد الغواب
ولده احمد السيد الغواب