.. عارفك ياولدي ..
عارفك ياولدي صالح .
لايمكن يوم تخون ..
لانيل بلدنا هينشف .
ولاجطره عليك تهون ..
لاخضره بيدك تنشف .
ولا ورده اوغصن زتون ..
........
عارف جلبك انه .
عاشج ترابها زيينا ..
لاهتسيب حج ولدك .
ولا ام تبات حزينه ..
وخابر ياولدي انك .
راجل بكل الرجال ..
وسايبهم ياخدو براحهم .
ويلعبوا كيف العيال ..
لكن وجت الجد .
يجفوا ع الحدود ..
ولا ولاد النجاشي .
من صغيرهم للجدود ..
ياخدوا من نيلنا جطره .
من غير ياولدي اصول ..
لاتضر لينا شجره .
ولا تفسد لينا محصول ..
واخدهم بالمسايسه .
لجل مايجولوا غلطان ..
ولا حدا يجول افتري .
ولاضيع حجوج انسان ..
لكن وجت الجد .
سلاحك خبره صاحي ..
يجطع اي يد .
تفسد عرجي وكفاحي ..
عرفك ياولدي صالح .
لايمكن يوم تخون ..
لايمكن يوم تخون ..
فتحي وجيه ..