لا تقطفي. .بقلم الشاعر. .صبحي ياسين

مذكرات أم ننوس عين أمه الرغايه 😊
......
آه يانا يا غلبانه يانا جوزي بيقول عليا رغايه

امبارح ساعة الضهريه لأ يمكن العصريه 🤔
والنبي ما انا فاكره الوقت يا عنيا

المهم دخل عليا اسم النبي صاينه وحفظه ابو حماده

وقالي تعالي يا سياده فين القميص بتاعي ابو عروه زياده

قلتله عيوني حاضر بصيت لقيت ننوس عين امه ابني حماده 😊

ياختييييي لو شفتوه واخد جمال امه 😚
طالع الألفه على فصله نبيه زى خالو شلاطه يحميه من العين 😊

هو انا كنت بقول أيه 🤔
آه المهم لقيت ننوس عين امه لابس قميص ابوه

يا ختييييي لو شفتو جمالو بالقميص تقولوا عليه عريس 😍

امال إيه دا الحيله وبكرا يكبر ويطلع سباك وله ورشه كبيره وقيمه 😚

هو انا كنت بقول ايه 🤔

المهم قام اسم النبي حرصه وصاينه الفندي جوزي شخط فى حماده 😔

يرضيكم بقى يا جماعه

قام ننوس عين امه الدمعة فرت من عينيه 😥

ويا ختييييي قلبي انفطر عليه
دا الحيله واجيبله قطع غيار منين 😒

قمت بسرعه جبت كام جلابيه وعملت منهم قميص زى البراند امال إيه 😊

وجريت على ابو حمادة وقلتله البس يا عينيا

قالي تسلمي يام حماده بس لو تبطلي كلامك شويه
رديت عليه حاضر ياخويا انت تؤمر
ولا يؤمر عليك ظالم ولا تلبس ابداا فى قضية 😍

يا ختييييي لو بعد الشر لبست فى قضيه هنعمل ايه انا وننوس عين امه 😔

يا لهوتييييي والنبي يارب ابعد عنا عيون جارتي فوزية

ااااااه هو انا بالحق مقولتلش ليكم عملت فيا ايه القادره المفتريه 😏

امبارح وانا واقفه فى المطبخ ولسه يادوب هطش تقليه الملوخيه

يا ختيييييييي لو دقتم مني الملوخية هتاكلوا صوابعكم وعليها المغرفه هديه 😚

ولا المحشي بقى دنا عليا رصه فى الحله برضو ولا طابور الجمعيه 😊

ياختييييي الله أكبر عليا 😆

هو انا كنت بقول ايه 🤔

يا ختييييي مش عارفه ليه هيغمى عليا 🙄

ااااااااااه يمكن عشان من الصبح ساكته وهاديه

طيب يا حبايب عن اذنكم حأيل
حبه للمغربية وبعدها اقوم أرغي معاكم شويه 😉

بقلمي الرغايه
هدى محمد