لا تقطفي. .بقلم الشاعر. .صبحي ياسين

بُصي بقا
--------------
السوس نخر
ماعدتش تنفع موعظه
يامو العيون بتشر دم
ماعدش نافع من بكايا
ع اللي كان
البث حي
وداخله سم
وكل حاجه موثقه
في التلفذة
وانتي ولا هامك عيال
كل اللي هامك
فشخره
ومليانه لؤم
وحبتين م الفنظه
شايفك بتاكلي
دود –طلع م المقبره
وبتبلعي طعم الألم
وشايله سيفك الخشب
بتهشي بيه على الغنم
بتضربيني بالكلام
في العدل
ظلم
هُما يدوبك معزتين
م العيانين
وشكلهم أغبر يغم
وانتي هنا متحزمه
بحبل الغسيل
وبترقصي
على صوت طبول
واللي استمع أعمى
وأصم
ساكن
ف بيت العنكبوت
عريان بموت
والخارجه غم
والجوع بيصرخ
جوه منه
وكليني خلاص
ح موت
إيه يعني موت
مايجوع يموت
يموت يموت
دا من العدد يدوب
رقم
إتقنعري
قولي كذا وكذا
كذا
السوس بينخر
جوه في العضم
اللي لسه
موديينه
ايه يعني مات
عاش محترم
والدود بياكل لحم
طالع أم –دينه
ولسه منداس
بالصرم
طالت سنيه بس
طعمه
لذيذ وطازا
ومن شويه
كان
في شارع الهرم
شايفك
كده بتمزمزي
ومتلذذه
كلي كمان كمان كمان
ماهو انتي ضاريه
على الغذا
اتفشخري قوي قوي
يامو التاريخ
وامو الهرم
ماهو انتي دايما للعدا
متحفزه
وانتي اللي ح تهدي
الصنم
وانتي اللي ح تاخدي
العزا
سره اتردم
وعشان مايرجع
من جديد
عاوز نبي
ومييت معجزه
وحبر ينفع للقلم
يكتب عدم
---------------------
محمد محمد الشاعر