#عيل_رخم
عيل رخم عايز أيه
مالك انتي زعلانه ليه
اسأل قلبك ورد عليه
سألته مايعرفش مالك
بقولك أيه خليك ف حالك
عيب ده حبيبك إبن خالك
ياسلام يا خويا واللي عملته
خلاص مش هاجيب سيرته
خاصميني بجد لو كررته
مقدرشي مانت عارف قلبي
طيب ليه الدلال وليه تخبي
مانت رخم وسبب غُلبي
طيب تعالي يالا بينا
نجري ونلعب وحدينا
ونشبك قلوبنا بأيدينا
هاتغلس زي إمبارح
مقدرش لسه قلمك جارح
آه بحسبك نسيت ولا سارح
انسى بس إزاي ده كان كف
حسيته اخد خدي و رَف
وصوابعك عليه واقفين صف
هههه طيب خلاص ماتزعلش
وكلام غلس تاني اوعدني ماتقولش
وعند بيت البت .... ماتروحش
ولا تركب وراها الجحش
اتفقنا بس إنتي كمان حني
بحس انك راكبك جني
طيب وبحبك من صُغر سني
حسن سعيد ابراهيم
#أيكادولي
