لا تقطفي. .بقلم الشاعر. .صبحي ياسين

#روحي_معافره
:::::::::::::::::::::::::::
أنا القعيد لكن روحي معافره
بصرخ بصوتي في شعوب كافره
بنادي على النخوة لكنها مسافره
نسيتم الجِهاد وحبيتم الدنيا بوَفره
على كنوزكم خايفين عملتم عليها غافره
.#############
أنا الكاتب سلاحي قلم و طلقاتي حروف
نفسي أكتب وأوجه قلمي بدون خوف
يكون كلامي عن المتخاذل بالمكشوف
وقوله تعالى على الحدود خونه شوف
إطلبنا للجهاد معاك من الملايين إِلوف
.#############
أنا العابد في محرابي بشاركم بدعائي
يسمع ربنا كفاحي كلمات وسط بكائي
صلاتي جهاد لله ينصركم و ده رجائي
عارف ورايا جنود تغطي أرضي وسمائي
تعالوا معايا زي ولادي كلكم لابو ندائي
.############
أنا طفل أبويا رباني على الفدائيه
حكالي وعلمني إن القدس عربيه
مين ضيعها ومين باقي مش دي القضيه
نغرس راسنا في الطين والعين متغميه
وحدوا كِلمتكم تحت راية السُنه المُحمديه
.##############
أنا بنت على القُرآن والسُنه هنا أتربيت
إنك يامصر للكل وطن حُضن و بيت
لكن في القضيه دي إِتصدمت و أتغميت
وسط أهل سوريا وغيرهم عنك حكيت
تاريخ وبطولات في مدرستي عَنِك غنيت
.############
أنا على الشهاده من صُغري كنت مِتربي
بحلم أكون للوطن شهيد مات مني حلمي
خساره كمان لما أكبر مني يتقصف قلمي
و بأيد إللي مني يتغدر بي ويزيد  ألمي
مين يا أهل العرب لينا يرفع عني ظُلمي
.############
أنا و أخويا أبونا نسخه منه كان مربينا
زارع الدين وحب الوطن واجب فينا
كان عن القضيه ديما في السهر يحكينا
بني جِلدتنا خانونا وعنهم بأروحنا فَدينا
ضحينا كتير لكن يا والدي ده دين علينا
.##########
أللي بينا وبينهم في القرآن والإنجيل
تاريخهم في الجدال حتى مع رب جليل
ناخُد القدس لينا و ليكم نسيب الخليل
أهل غدر وخيانه مذكورين وده أكبر دليل
حُزني على اللي مهاودكم أُستاذ تطبيل
.#########
دِول ليهم مُسانده لا عندهم أصل ولا دين
أللي إترمى في حضنهم إحنا مِنهُ مِتبرَئين
تتشل أيدهم وقلوبهم و تسود العينين
لكن ياولادي دايما خَليكُم للقضيه فاكرين
يوم فرحي لو حررتوها ورجعتم شهيدين
راح أعملكم صوان أتهنى ونكون فرحانين
ويجيني البشير إنكم مع الشُهدا و النبين

حسن سعيد إبراهيم
#فدائين