فَاتت سنة من جَنبنا
شايلة ْمَعاها
حَبة بُرودة مِ الشتا
سايبةْ وَراها عَندنا
ميت ألف لَأةْ
ساحبةْ مَعاها
حبة أَهات مِتكلفتةْ
فَاتت سنةْ
والحِلم تَايه مِننا
بين الشجرْ
جِسمه بِيرجِفْ مِ البرودةْ
وبين ضلوعه قلب ْإنفطرْ.
يالا يااااا عَام هِلْ عَلينا مِنْ جِديدْ
نِزلنا مِن فُوق سُطوحكْ
شَارة خَطر.
خَلى السحابةْ تتمنى تُعبرْ
فُوق أَلفْ مَدنة وِأَلف أَرض ْ
ترميلنا تاني من جديدْ
حَبة مطرْ.
فَاتت سنةْ
وبكرة جاى ل عَندنا
نصحى نِشوفْ
كَام حِلمْ نِفسه يِضمنا.
صُوت الوَليد ْ
جاى من بعيدْ
بيقولنا لازم نِعمرْ أرضنا..
لازم نفرح كلنا
مصر البهية
مصر الأصيلة
أُمنا.
بقلمي
سلوى علي محمد