{{ ياما حيالها أحِبَّه ضاعوا }}
:
آآهـ من شوق الحب وأهواله
وجمال البنت الحلوه ساره
وكتم الشوق وشدة ناره
وقلبى لما نواها التوبه
ينسى ويرجع فى اللي قاله
وياما أحبَّه حيالها ضاعوا
إفتكروا الحب دَوَا وكبسوله
وكانوا فاكرين دَخْلينها بطوله
دخلوا عليها بسيوف مسلوله
خسروا الحب م الجوله الأولي
وشوفت نفسى ولد متأدب
أدخل يمكن افوز بيها أكسب
واغوص في بحر الحب واشرب
دا سنين كتيره بجري وراه
قولت هوا دا الوقت الأنسب
وأشوف حظي مع الأحباب
وهادخل إني واحد معجب
وارجع تانـي يواد اتأدب
وأعود من صعب لأصعب
واتذكرت عهد أخونا قابيل
وهُـبَّا غيره ساحقه كل خضار
وشوفت كل ليلي نهار
ودماغى لفه بزمن دوار
وهبوب من ريح عاصر إعصار
وسجن بدون أغلال وأسوار
وحقيقه مره أشد مرار
وآل بحسب نفسى من الأبرار
ورسمت لنفسى لوحه بالأشعار
ونغمة غنوه على الأوتار
وخيالى رسمته فى ميت تزكار
ولما رأيت تأبينى جهار
تبت لاحسن يبقى جزاتى النار
:
:
18/ من يناير/ 2018
