لا تقطفي. .بقلم الشاعر. .صبحي ياسين

القصيده الخامسه عشر من ديوانى  بعنوان الكمامه - تحت الطبع -
ـــــــــــــــــــــــــــــــــــــــــــــــــــــــ

العصافير
ـــــــــــــــــــ
الألف يا دوبك يملوا الكفة
بس طارت والله بخفه
عمر الخوف ما ف يوم شافها
وفى منقار من غير شفه
شالت قشه تبنى العشة
وكل بيضه فيها عصفور
طالع طالع
طول ما الشمس ماليها النور
ومهما تعلى يا أبويا في سور
حاول تفهم دا عصفور
الحرية عنده قويه
لأن جناحه مش مكسور
قلبه صغير أيوه صغير
بس شايل حب الناس
مش هيغير ولا هيطير
من قاموسك كلمه قناص
بس كفاية إنه صغير وعايش حر
وأنت كبير أيدك مربوطة
شارب لكعانك مر المر
تبقى الحسبة كدا مظبوطه
تفضل عالق عند السور
وهو يمر
ــــــــــــــــــــــــــ
إبراهيم معوض