خلاص مسافر يابلدي
معدش ليا فيكي مكان
دانا عايش فيكي بس
بالأسم انسان
لكن بدون كيان
وليه اقبل اعيش على الهامش
وكون عايش ومش عايش
واشوف الظلم فيكي
وممنوع الكلام
انا صبرت كتير اوي
وفضلت اصبر في نفسي
واقول بكره يصحى
الضمير الغفلان
واعيش الحياه من تاني
وسط الحب والأخلاص والأمان
لقيت صوت الظالم بيعلى
وكل يوم ليه مكان
اكبر من اللى كان
واحنا تحت الرجلين ضايعين
لا شغل ولا مشغله ولا لينا كيان
وعجبك عجبك مش عجبك
جوا البيت نام
اقول لا واعترض
الاقي مليون سجان
بيفتحلي البيبان
لا اعيش جبان
وارضى بحالي
لاكون حولين
اربع حيطان
مفيش اختيار
غير اني اسافر
لا اعيش فى النار
وافضل عايش
على طول محتار
لا راضيه بيا
ولا حاسس فيكي بكيان
خلاص مسافر
معدش ليا فيكي مكان
بقلم ... ايمان رفاعي غانم
