راشد يزرع،،،راشد يحصد
أمده راشد عاف زرعه
گتله ليش تعوف زرعك
گلي بالزردوم موس واگف
شلون اطلعه
راشد يزرع وكبر زرعه
طلع يزرع بس ضغينه
وخضرت كلها مصايب
تكالبت كلهه علينه
مرعى ،،،مرعى،،،راشد يرعى
طفر راشد،،،والغنم سارح لوحده
بدون راعي،،،بدون مرعى
راشد يعمل،،،داخل مصنع
داخل معمل،،،وگف المعمل
حرت آنه إلمن أسأل
راشد ضَل صافن وحده
راحت من إيدينا الوحده
ميجاوبني مدنگ يخجل
راشد اتغيرت أحواله
صار معدّل ،،،واحد ثاني
صار راشد برلماني
تغيرت احواله القديمه
وكام يتآمر علينه
وصرنه من عنده نعاني
صار راشد برلماني
وصار يسمع بس دعاء
وحرم اعلينه الاغاني
جان راشد عنده منجل
وجان راشد عنده مرعى
وعنده معول
وجان راشد يشتغل عامل بمعمل
وهسه راشد شخص ثاني
عنده سيارة حديثة
وعنده فلاّ وقصر عالي
ولايبالي
والوطن ماعاد غالي
والحقيقة هوايه مرّه
الوطن راح بثواني
صار راشد برلماني
أبو رؤى قاسم الدوسري
