قصيده بعنوان....... ست الكل
طول عمرك إنتى الشيالة
وسط المحن والأزامات
ومهما أقول مش ح أوفيكى
أجمل سنين عمرى اللى فات
يا نبع الحنان والخير يا أمه
دى الدنيا من غيرك ضلمة
إسقينى من حبك شربة
أعيش عليها وأقوم وأبات
مهما الزمان جرح فيكى
الحب كان كله ماليكى
نهر العطا والجود يا أمه
ومجمعا كل اللمه
ولا شوفنا منك آنات
راضيه بقليلك وبحالك
دايما تحابى على عيالك
ومين ف طيبتك وجمالك
ياصينه بيتك ومكانك
ومغرقانا ب حنانك
دول قالوا عنك حكايات
سترتى حالى ودعيالى
ربيتى كبرتى عيالى
عمرك ماقلتى أنامالى
م الغربه ببعتلك سلامات
ولا يوم تهونى ياست الكل
يا اللى صباحك زى الفل
ده انتى اللى ليا نور بيطل
وتروح فداكى كل الحاجات
كلمات الشاعر محمد ثروت عبدالحفيظ
