الجزء السابع
ياحبيبي انا نفسي أشوف شروق أعزيها مش واجب ولا أيه هيا مش عايزه تيجي اروحلها انا دي الاصول.
(والله هاتجبيه لنفسك بس مش هاوافقك عشان لو حصل حاجه ماترجعيش تلوميني)
أكرم أنت روحت فين بتفكر في أيه .
لا لا مفيش بس هاتروحي أمتى .
أنزل أنت الشغل أنا هاروحلها .
ساميه من رأي بلاش تروحي لأن أنا عارف هاتتكلمي في أيه هاتفتحي الكلام في الميراث والواد إللي بابا كاتب أسمه معانا.
لا لا خالص أنتم حُرين أنا مالي.
(يا عاقله . ياطيبه)
براحتك انا نبهتك بس لو حصل ورد فعل شروق مش على تفكيرك و هواكي ماتجيش تحكيلي أنا مش هادخل بينكم اتفقنا.
حاضر يا حبيبي.
حمدالله على سلامتك يا باشمهندس ربنا يرحم الحاج ويجعلكم في ميزانه .
متشكر يا عم رياض ابعتلي القهوه بتاعتي.
صباح الخير يا حبيبتي نمتي كويس ولا راجعتي ذكرياتك في الفيلا.
صباح الخير يا حبيبي تخيل نمت في سريري معرفتش أنام تخيل
نمتي فين.
في سريري .
لا نمت في حضن بابا و ماما في سريرهم نمت نوووم ماقولكش.
طيب عندي ضيف مش لطيف ناوي يجيلك.
أوعاك تقول ساميه؟
هيا بغلاستها عشان تكوني عارفه اتناقشت معايا بخصوص موضوع دُقدُق و فهمتها أن ده مايخصهاش
أكرم أنا اتفقت معاك وأنت وعدتني أننا هانفذ وصية بابا لو كان فيها أيه هانعتبر أن بابا عايش يأمر و ينهي في أمواله.
وأنا عند كلمتي لما تجيلك أديها درس في إحترام وصية المتوفي......سلام يا شوشو.
أعوذ بالله منها ومن زيارتها أفطر قبل نفسي ماتتسد.
تن تن تن جرس الباب
اهلا ساميه
أيه يا ستي هو إنتي عندنا كل يوم مش عايزه تيجي عندنا أجيلك انا.
اتفضلي أدخلي طيب هانتكلم هنا عامله أيه و اخبارك طمنيني.
الحمدلله أخر مره كنت عند الدكتور رجعت تعبانه ومنهاره و أكرم مايعرفش أني روحت لدكتور من الأصل.
معلش يا حبيبتي كله بأوانه و أمره.
شوشو أيه حكاية الولد المجهول في الوصيه.
ساميه انا هافطر وعايزه أنزل ورايا حاجات هاخلصها قبل السفر وعلى فكره وصية بابا هانفذها حتى لو أكرم رفض هاكمل من نصيبي إللي يرفضه أكرم.
(العيله دي هبله وراثه وفصيلة دمهم كده مش طبع بس ) حديث داخل ساميه.
نزلت ساميه روحت بيتها ورجع أكرم من شغله شروق ماحبتش تبلغه عارفه ان ساميه مش هاتسكت.
السلام عليكم ساميه انتي فين
حمدالله على السلامه.
حسين البواب تتبع طريق دُقدُق محبش يستناه و هو سارح بالبليله والفول طبعا عشان ميعاد أستاذ أشرف المحامي .
إزيك يا دُقدُق عامل أيه
اهلا عم حسين أنت معدي من هنا صدفه ولا وحشتك من إمبارح.
لا جايلك مخصوص في موضوع مهم.
خير يارب أتفضل أمي جوه بس لحظه أديها خبر.
اهلا وسهلا اتفضل يا حاج حسين.
يزيد فضلك يام دُقدُق.
خير ياخويا دُقدُق بيقولي جايله مخصوص و موضوع مهم .
دُقدُق الجواب اللي سابهولك الحاج فاضل فاكره طبعا.
تحت مخدتي كل يوم أشم رحته وابص للكتابة و اكدب نفسي واقول ياترى في ايه مستخبي بصراحه انا خايف ياعم حسين.
شوفي يام دُقدُق الاستاذ أشرف محامي فاضل بيه هو إللي باعتني هايفتحوا وصية فاضل بيه وفيها شرط ان دُقدُق يحضر و ولاد الحاج رافضين فتحها غير في حضور دُقدُق تنفيذا لوصية أبوهم ولاد حلال وتربيته محترمه.
عم حسين وصية أيه و محامي أيه إحنا مالناش في الورث ده ده رزق ولاده.
وماله يا حاجه أحضري مع دُقدُق وقولي الكلام ده .
أحنا غلابه ومعدومين أيوه فاضل بيه كان بيعطف على أبني أيوه لكن إحنا عندنا دم ايه يعني الفين تلاته مش هايعوضوا عن حرق الدم إللي هانشوفه من عياله.
شوفي يامه أنا بصراحه نفسي أشوف شروق هانم تعالي نروح ونقول الكلام ده إنما أكرم أنا مش طايق أشوفه.
هو ده الكلام يا دُقدُق
استناكم عند العماره الساعه 6مساء
حاضر ياعمي
يوه يابني هات حاجه لعمك يشربها هاتله كيس خروب ولا عناب دوق عاميلي .
معلش انا سايب العماره وعندي طلبات بقضيها سامحيني مره تانيه. سلام عليكم.
مالك وشك مقلوب ليه خير يارب.
-مفيش مش قلت مالكش دعوه باللي هايحصل بيني وبين شروق.
آآه يعني روحتي وفتحتي الكلام معاها
أيوه روحت و مش هاسكت كمان على حقنا.
حق مين حقي أنا وأنت في الميراث.
باي صفه بتتكلمي عن حقك في الميراث .
مراتك و أبوك كان عنده زهايمر يعني مش عاقل تسقط الوصيه.
سقطت هيا على الارض جراء صفعه قويه على خدها من أكرم.
الكلمه دي لو سمعتها تاني هاطلقك انا محترم صلة الرحم ومتقي الله فيكي لا بتخلفي ولا عندك أسلوب الكل كارهك وانا بحاول اكون زوج صالح مع بنت عمي لكن كده كفايه فوقي لبيتك و حاسبي على لسانك من هنا و رايح.
أنا نازل أرجع الاقيكي في البيت غير ماسيبتك إنسانه تانيه أو تروحي عند أخواتك ماتلزمنيش.
ازيك ياعم حسين قابلت دُقدُق
يامرحب أكرم باشا قابلته هو و ولدته وكانت رافضه الحضور ورافضه اساسا الموضوع.
طيب هاتقابلهم فين إزاي.
هايكونوا هنا الساعه 6مساء .
كويس هاتغدا و أريح شويه ولما يوصلوا بلغني.
مين مين
أيوه ياشروق انا أكرم
أتفضل ياحبيبي مالك
تتبع