*** .. ســوق الأصاله .. ***
نزلت ســوق الأصاله أدور
على حد كان نفسي أنا ألاقيه
مالقيتش غير النداله تصور
خلص اللى كنت بحلـم أنا بيه
ي ناس قولوا لى فين راح
عزيزالنفس اللى الجدعنه فيه
تاه ولا غاب ويا الجـــراح
ولا الزمـن زي انا حـط عليه
أهـــــين وأه ي زمن دباح
دبحـــــت فينا حتى الأمل ليه
ولا دا حلم كان ولىّ وهان
داب كمان ويـا الأمان أتاريه
رجعــــت شايل هم السنين
محتار حزين بحـــرف راثيه
أزاى يكون بالكون سبيــل
والنبيل أصبــح عويل مواليه
تشوفه العيون جــوا القناع
بدر بشعاع والنجـوم حوالـيه
تدق بابه تلاقى سرابــــــه
ماهوزيف باهت لون معاليه
والأصـيل بقي عاوز دليل
ينبش عليه بظـــــــلام لياليه
ولو لقيه .. ودا مستحـــيل
ح يكون أثــــــر والله ي بيه
تــذكار تـزوره فى الخيال
وأفتكركل كلامى دا ومعانيه
كلامى حال أيـوا ي خــال
ســـوق الأصالة ماعدش فيه
غـــــير الندالة والكيلو بجنيه
*غـــير الندالة والكيلو بجنيه*
,,,,,, بقلمــــــــــي ,,,,,,
*** ياسـ مرسي ـــر ***
