ترضاها لي ؟
لو رضيتها.
يبقي قلبي إختار سراب
و إنحني قدام هباء
يبقي نبضه
إللي عايش كبرياء
و إللي صمته و إللي همه
طول سنينه
يوم ما عاب
أختياره ليك ده غلطة
و إن حبك كان رياء
ترضاها لي ؟
لو رضيتها
يبقي أنسي وبرضه ح أنسي
و إللي بينا مصيره ذكري
و إللي يوم حبيته فيك
فات و كان
بس أعرف حاجة واحدة
قلبي عمره في يوم ما هان
نبضه غالي
شامخة رأسي في العلالي
ترضاها لي ؟
لو رضيتها!
أنسي إسمي! أنسي صورتي
و أنسي أحلام اللقاء
و أنسي برضه.
كل ضحكات المساء
ترضاها لي ؟
((بقلمي/صفاء مصطفي الخواجة ))
