قصيده بعنوان........ إسقينى
إسقينى من شهدك
عطشان بقالى سنين
دايب انا ف حسنك
وف قلبى شوق وحنين
..................
مين ف الجمال قدك
ولا ف دلالك مين
ده الغالى يرخص لك
يا أم العيون حلوين
...................
الورد غار منك
والفل والياسمين
والبدر مقسوم لك
يامدوبه العاشقين
.................
ما تحنى على قلبى
يا ام الرموش قاسيين
نظره عنيكى خدتنى
مدرتش بس انا مين
...................
صدقوا اللى قالوا زمان
أهل الغرام مساكين
طريقهم كله ضنى
والفرح مش لاقيين
..................
كلمات الشاعر محمد ثروت عبد الحفيظ