غني يابا
غنيلي غني يابا
غنيلي عالربابة
غني وقول ياليل
راح فين زمن الطيابة
وليه نياب الديابة
تنهش لحم الغلابة
وليه أتهان فى بلدي
وانا المغرم صبابة
غرقان فى دمع عيني
غدر الزمان كاويني
طبطب عليا يابا
خدني ف حضنك خبيني
الدنيا إستضعفتني
وجت عليا غيتني
فى بحر الهم يابا
خدتني وغرقتني
غني يابا غني
زيح الهم عني
غني بعلو صوتك
صوتك مش واصلني
تعلالي فى حلمي مرة
يابا الدنيا مرة
بكلمة ترد روحي
أنا روحي طالعه برة
غريب فى الدنيا ديا
والحمل تقيل عليا
يادنيا تعبت منك
خفي الحمول شوية
محتاج يارب عطفك
هون قضاك بلطفك
ماليش غيرك يارب
محتاج رضاك وسترك
بقلم طارق السيد
