🌷ظباء على جثمان الملك
🌷
🌷
🌲🌲🌲🌲🌲
كان الاسد رمز الشموخ
رمز الشيوخ
رمز اللى يحمى حرمته
ويحمى الديار
كان الملك يتقال عليه أنه أسد
لما يكون صاحب قرار
كان الفقيه هو الحسام
لما تئيد الفتنه نار
كان الفتى ليث فى الساحات
بيسقى الشهامه كاس وقار
حتى الصبيه فى صغرها
كانت تهاب زى الأسد
بنت الليوث
مكتوب على جبينها الفخار
ولما طلع ناب الظبا
والليث أصبح أرنبه
وعم الحسام بمركبه
غرق وغرق موطنه
كذب الاسد وصدقه
كل اللى كانوا فى موكبه
وحل الدمار
ميزان فى الكون إتقلب
اللى نزل واللى ركب
واللى تأنى فى الطلب
واللى ركب اول قطار
واللى زرع واللى خلع
واللى. أمِن واللى فزع
واللى حصد حلم الجدع
واللى نصب للعفه زار
مات الاسد عاش الحمار
لحم الأسد أصبح وليمه للظبا
وخصالة مدفونه وقيم
وكأنها دستور ... وملغى بقرار
🌲🌲🌲🌲🌲🌲🌲