=====حكايتي مع مشتشفى الانسانيه ======
عن قصه حقيقيه
على عبد الرازق صالح احمد
المعصـــــره -- الفتح --- اسيوط
=======================
اسمــــعوا هذا الحكايه ** * ودي حكــــايه واقعيه
عشتـــها انا يوم بيوم **** عند مشفى الآنســـــانيه
تعبت المدام فــ يوم == وكان فـــ ساعه المــــغربيه
راحت من ضروسها تصرخ = ضرسي اه قوم عليه
قعدت اروح يمين شمال === ربي عدي الليله ديه
وقولت فين اروح يا قوم == قالوا روح ع الآنسانيه
قولت والله الاســـم حلو == بس خــايف م الآذيـــــه
ورحت واخد وصفه منهم == ورُحت ماشي بحسن نيه
قابلتني الاخت نوره == صاحبه الطــــــلعه البهيه
قالتلي على فين يا اخينا == قولت ضرس الاخت ديه
قالتلي روح ادفع فلوس == والا انت فاكرهه تكيه
قولت كام الكشف عندك == احنا من اهل المهيه
قالتلي روح هناك هتعرف == اقل من سانتي ماريه
ادفع العشرين وعدي= عشــــرين جنيه بدون بقيه
قولت انـــا مره وتعدي == وربنا يخلف عليه
ونادى الدكتـــــور عليها == دخليلي الحـــــاله ديه
فحرلها الــــــضرس وقال == يا ماما كُلي مهلبيه
اوعِ يوم تاكــلي مخلل == والا جبنه من اللي هيه
و مره تانيه تعالي عندي == لحد ما نحل القضيه
وروح يمين وروح شمال == ومره روح قابل بهيه
ومره روح اعمل إ شاعه == ومره روح ع الصيدليه
ومره اطـــــــلع ع الآذاعه == قولهم ع القصـــــه ديه
وكل مره ادفع يا اخينا == ادفع للحــــــلوه الصبيه
المدام غــــــاليه علينا == وغاليه عندك مش هافيه
ولما روحي خلاص هتطلع == وقربت اروح النفسويه
خلعت راسي ورحت ادعِي == على المدام مره وعليه
ومن المشاكل روحت اضحك == بطريقه هستريه
واللي ما يعرفش يضحك == تضحكه شـــر البليه
++++++++++++++++++++++++++++
شخصيات القصيده /// -زوجتي وهى البطله فى القصيده وانا كاتب القصيده / على عبد الرازق صالح احمد مشتشفى الانسانيه مشتشفى خاصه باسيوط == سانتي ماريه مشتشفى خاصه باسيوط == نورا ممرضه بالمشتشفى == الدكتور خالد /دكتور اسنان بالمشتشفى
بقلمي / على عبد الرازق صالح احمد
