وانتى معايا
................
لما بتوحشينى
بشوف ملامحك
فى ضحكة صافيه
بين العشاق
فى طفل بريئ
وحرف مكسر
ملهوش عنوان
فى كتاب اقراه
وكل سطوره
عيون مرسومه
وعامله ديوان
بغمض عينى
ابوس الحضن
يدفى القلب
ويروى كيان
وبغير عليكى
من ايديكى
من عنيكى
ده حتى توبك
مالهوش امان
والله دايما بتوحشينى
بكون معاكى والايادى
متشبكه
والعينين حالتها حاله
متثبته
والقلب ماله
دقه واقف
ولا الروح
متلهفه
لما تغيبى
بتوه فى ضلمه
والشروق كأنه ياعينى
مستنى طله
ياشمس الليالى
يا قمر الاحبه
خلينى دايما
اول صباحك
اول سلامك
اول كلامك
خلينى اول خطوه بتبتديها
او ابتسامه بترسميها
خلينى منك نفسك
لما توشوشيها
او نظره سارحه
فى ليل طويل تطيرى بيها
والله حتى وانتى معايا
بتوحشينى
.........
كلماتى
محمد كشك