لا تقطفي. .بقلم الشاعر. .صبحي ياسين

مجانين هوليود (قليلا من الفكاهة)
روبرت دي نيرو إيطاليان هيرو
ضرب ليناردو على مناخيره
رد ليناردو قال كده برضو
ياعم روبرت أنا واد فرافيرو
رد روبرت وقاله كبرت
ياواد وعافرت بقيت فرافيرو
رد عليهم أل باتشينو
وأل باتشينو كلنا عارفينه
بالنظارة السودا بتاعته
وخصلة شعره إللي على جبينه
عيب ياخوانا أكلتوا ودانا
هيقول إيه الخلق عليكو
بعد ماكان ليكو شنة ورنة
فضحتوا بأعمالكم نفسيكو
وفجأة ظهر توم أفندي كروز
وإتنطط زي الأراجوز
وبعد مانط ياعيني النطة
إتزحلق على قشرة موز
جت ديمي مور وعاشت في الدور
مدت إيدها تساعد توم
إكمن الأبعد واد أمور
جه براد بيت نطاط الحيط
الأخ أخيل بطل الحواديت
هتخيل على مين ياسي براد بيت
يابو العضلات تغلب خرتيت
دا إنت ياواد فيري ثن قوي خالص
لافيك عضلات ولا حتى مجانس
وغطاك جلدك لو شتيت
تتش وود يانجوم هوليود
ياأجدع أبطال في الأفلام
قدام الكاميرا بتبقوا أسود
وفي الكواليس نلاقيكو نعام
في ختامي بقولكو تهدوا شوية
أبوس على راسكم عايز أنام
بقلم طارق السيد