الكلام مبقاش يفيد
دول عقول ذي الحديد
و اللي فيهم إسمه ناصح
سقف بيته من الجريد
ناس تهينك ليل نهار
رافعه راية الإنحدار
ذنبي يعني اني مسالم
يبقا دايما ف انكسار
الغرور سيطر عليهم
و الشرار ساكن عينيهم
لو قلوبهم كات بترحم
بس دول السم فيهم
مهما هوصف أو هقول
أو هدور ع الحلول
اني اغير من غرورهم
اللي ساكن ف العقول
ليا رب اسمه الكريم
روحت عنده أشتكيله
قولتله عبدك يتيم
و هوا عارف مالي غيره
الشيطان ضاحك عليهم
فكروا كله بإيدهم
و ان بكره ده بتاعهم
و ان بعده يبقا ليهم
كنت لما أجي انصح
يضحكوا دايما عليا
كان كلامهم ليا بجرح
و تشهد الدمعه ف عينيه
كل يوم اصبر و اعدي
نفسي أعرف بس ذنبي
إني أعيش و اسمع كلام
بقتل الفرحه اللي عندي
بعد فتره نويت أهاجر
و شيلت إسمي من الدفاتر
سيبت ليهم كل حاجه
بس الدنيا ليها أخر
بس الدنيا ليها أخر