الحلم
__________________
بيعافر
وشايف حلمه
كوّه ف سُوَر
وبيجدف
وبيحن
وبيرجع
وبيسافر
كما وجعه
وأصعب جرح
تبات تحضن
في الحشا ألمك
وتضحك بس من بره
ومن جوّه الفؤاد مقهور
محظور
ع العيون الحلم
والحمل علم ع الكتاف
مركبك قش
ماشيه وعكس الريح
عليل يداوي جريح
وتاهت المرسى
واتكسر المجداف
يادمع علم ع الخدود
ماشي خطاوي با الأمل
بس الطريق مسدود
مستني فجر يطرح
وسط عتمه قهر
ماتت عروستك
بعد ما دفعت
من سنينك مهر
وأزاي جمعونا ف زنزانة
فريقين
فريق ميت ف دور الخبث
وفريق عايش مثال للطهر
كل اللي عاشوا الفضيله
ف الأصل كدابين
وشوش وضحكه مرسومه
رتوش واللوحه مقهوره
طبشور وسبوره
ومين م الحزن يتعلم
وشجره توت وعليها
عصفور تزقزق بلحن جميل
بس حاسسها بتتألم
يا قلم علم حروفي الخوف
وأرسمني بضحك جوا السجن
لون لون بشرتي المخطوف
وأكتب عن ذكرياتي
وسيب نهايتي حسب الظروف
ياقلم بكره. نشوف
فريقين بس
لا تفهم مين مع مين
ولامين ضد مين
بس المهم لما الأمام يدعي
لازم وحتمآ. ولابد
نقول. آمين
قلبي علي ولدي حزين
خايف يعيش زيي
حلمه يموت جو السطور
ويعافر.
ويشوف حلمه زي ماشفته
كوّه في سُوَر
شداد
