لا تقطفي. .بقلم الشاعر. .صبحي ياسين

قصيده بعنوان........ إضحك فرفش

إضحك فرفش نعنش هزر
إوعاك م الأوجاع تتعذر
عمر  الدنيا ماتبقى جميلة
لو هاتعيشها وإنت مكشر
.................
هى غريبه أيوه معاك
دايما ماشيه عكس هواك
بس ياصحبى لو تسايسها
تلقاها جيالك تتمخطر
...................
يوم بتبكى ويوم بتفرح
وب تتشقلب وبتتمطوح
زى البهلونات ع المسرح
ألفين وش وألفين منظر
...................
دنيا غريبه ياناس بتحير
مهما بتعلى فيها صغير
حبه بتدى و حبه بتاخد
وبتتبدل وب تتغير
....................
لو تنساها تعيش مرتاح
خليك دايما كده سواح
وأرمى همومك يالا ياصحبى
وإوعاك تانى فيها تفكر
.....................
يوم ورا يوم العمر بيجرى
بكره أكيد الكل هيمشى
أرضى ياصحبى بالمكتوب لك
والمقسوم لك والمتقدر
........................
يا اللى عايشها براحة بال
قبلنا تعبوا فيها ياخال
لو يوم راح تديك المال
أوعها تغرى فيك وتسيطر

.......................

كلمات الشاعر محمد ثروت عبد الحفيظ