#دأب_الشطار
وانا كنت أفضل
من مين يعني ؟!
نفرض مره الخِل خدعني
حبكي وأعيط واعمل زار ؟!
"انا مش أحسن م الشُطار"
..
ولا كنت أحسن
م اللي سامعني
قَسم قول غنيلي سمعني
كل الناس سواسية أحرار
"وانا مش أحسن م الشُطار"
وزع هات
بنبوني وجلاكسي
اركن حبه وخودلك تاكسي
فسح روحلك كام مشوار
"والعب رِق وطبلة وطار"
أنا كنت أفضل
من مين يعني؟
كل الناس وسعادتك معني
تحت سِتار ربك سَتّار
"وانا مش أحسن م الشطار"
#بهاء_اللبودى
